The Last Call
33.000
الأدلّة بين يديك
شنوّة تلقى داخل الملف؟
تعرّف على محتويات القضية قبل ما تبدأ التحقيق.
The Last Call
داخل ملف القضية
-
حكاية القضية
البداية اللي تدخّلكم في الأحداث وتعرّفكم على مهمّة التحقيق.
-
الوثائق والأدلّة
المحتوى اللي باش تقراوه، تقارنوه، وتربطوا تفاصيله لكشف الحقيقة.
-
تعليمات البداية
الإرشادات اللي توضّحلكم كيفاش تبدأوا وتتابعوا التحقيق.
كيفاش نلعبوا؟
من أوّل دليل… لكشف الحقيقة.
لمّ أصحابك، حلّوا ملف القضية، وولّيو فريق تحقيق. بين أيديكم أدلّة… والحقيقة تستنّى شكون يكشفها.
-
البداية
حلّوا ملف القضية
اقراو تعليمات البداية وتعرّفوا على الحكاية. حدّدوا مهمّتكم والأسئلة اللي يلزمكم تجاوبوا عليها.
افهموا المهمّة قبل ما تبدأوا.
-
الملاحظة
دقّقوا في كل دليل
تصفّحوا الوثائق واقراو التفاصيل مليح. دوّنوا كل معلومة تلفت انتباهكم، حتى كان تبدو صغيرة.
تفصيلة صغيرة تنجم تبدّل الحكاية.
-
الربط
اربطوا الخيوط
قارنوا المعلومات بين الوثائق. شنوّة يتوافق؟ وشنوّة يتناقض؟ اربطوا كل ملاحظة بالأدلّة اللي تدعمها.
ما تاخذوش دليل وحدو بمعزل عن الباقي.
-
النقاش
ابنيو تفسيركم
كل واحد يطرح فرضيّتو. ناقشوها، اختبروها بالأدلّة، واتّفقوا على إجابات لأسئلة القضية.
كل استنتاج يلزمو دليل.
-
كشف الحقيقة
ثبّتوا في استنتاجكم
كي تكملوا التحقيق، راجعوا الحل وقارنوه بإجاباتكم. اكتشفوا شنوّة فهمتوه وشنوّة فاتكم.
خلّيو الحل للآخر… باش تعيشوا التحدّي.
كل واحد يلاحظ حاجة. الحقيقة تلقاوها مع بعضكم.
ناقشوا، شكّوا، وارجعوا للأدلة… لين تركب الحكاية.
Se marie bien avec...